Si mund të luajë Real Madridi në ndeshjet e mbetura të nëntorit pa 7 lojtarët e lënduar

Real Madridi duket të ketë sfiduar fatin e keq këtë sezon, të paktën nëse gjykohet nga vala e lëndimeve që ka pësuar.

Thibaut Courtois drejtoi listën e të lënduarve me një shqyerje të ligamentit kryqëzor gjatë një seance stërvitore, ndërsa Eder Militao u lëndua gjatë një ndeshje në Bilbao. Të dy lojtarët nuk do të jenë në gjendje të luajnë deri në vitin 2024.

Vinicius Junior mori një goditje të fortë me lëndimin e muskulit të kofshës që e la jashtë për një muaj, por rikthimi i tij ka sjellë një valë të re të performancës pozitive për madrilenët. Sidoqoftë, Aurelien Tchouameni është jashtë fushe, pasi u lëndua në kyçin e këmbës.

Lexo po ashtu Pësoi lëndim me Francën - zbulohet shuma e majme që FIFA do t'i paguajë Real Madridit për Camavingan

Jo vetëm kaq, Jude Bellingham, golashënuesi më i mirë i skuadrës, u detyrua të qëndrojë jashtë fushe pas një lëndimi dhe mungoi për disa ndeshje. Shtojmë edhe lajmet e fundit nga Franca që Eduardo Camavinga do të mungojë për pjesën e mbetur të vitit pasi pësoi një lëndim.

Ndërkohë, lojtarë si Kepa, Arda Guler dhe Dani Ceballos po përpiqen të kthehen në formën e tyre më të mirë pasi u përballën me lëndime muskulare.

Lexo po ashtu Mes spekulimeve që e lidhin me Real Madridin, agjentja e Haalandit flet për të ardhmen e sulmuesit

Gjithandej vetëm lajme negative për ekipin e Carlo Ancelottit, por trajneri ende nuk është në një pozicion të pamundur. Ai ka ende në dispozicion një formacion të fortë edhe pa yjet e lënduar.

Një shenjë inkurajuese është se disa prej emrave të mësipërm të lënduar, si Kepa, Bellingham dhe Ceballos, pritet të kthehen në formën e tyre të plotë pas pauzës me ndeshjet ndërkombëtare. Por, nëse ata do të jenë gati të luajnë nga minuta e parë mbetet për t’u parë. /Telegrafi/