Si e neutralizoi ish-ylli i Interit personin që e theri me thikë Pablo Marin

Ish-lojtari i Interit, Massimo Tarantino, thuhet se ishte një nga njerëzit që ndihmuan të çarmatoseshin dhe ndalonin sulmuesin që goditi me thikë mbrojtësin e Arsenalit, Pablo Mari dhe pesë të tjerë në Itali të enjten në mbrëmje.

Një 46-vjeçar, i cili u arrestua më pas në vendngjarje, besohet se ka nisur të sulmojë njerëzit në mënyrë të rastësishme pasi ka marrë një thikë nga raftet e një Carrefour. Që atëherë është konfirmuar se një arkatare vdiq nga plagët e marra në sulm.

Të gjithë viktimat u dërguan me helikopter në spital, ku më vonë u konfirmua se Mari nuk është në gjendje të rëndë. Dhe ndërsa detajet e reja të incidentit vazhdojnë të dalin, tani është zbuluar se Tarantino ishte një nga njerëzit që ndihmoi në ndalimin e sulmuesit.

Raportimet të ndryshme kanë theksuar se një numër klientësh të guximshëm ndihmuan në ndalimin e sulmuesit deri në mbërritjen e policisë. Tarantino, citohet nga botimi italian Corriere della Sera të ketë thënë: “Unë nuk jam hero. Nuk kam bërë asgjë të veçantë”.

Tarantino është i njohur në Itali dhe luajti për klube të ndryshme italiane, përfshirë Napolin, gjatë një karriere si lojtar që luajti gati dy dekada. 51-vjeçari, i cili dikur luante si mbrojtës, pati mbi 200 paraqitje në Serie A gjatë qëndrimeve në Napoli dhe Bologna përpara se të varte këpucët. Ai është aktualisht drejtor teknik i skuadrës SPAL të Serie B.

Mari, i cili ishte duke bërë pazar me gruan dhe djalin e tij në kohën e incidentit, do t’i nënshtrohet një operacioni të premten pasi pësoi një prerje të thellë në shpinë gjatë sulmit.

Spanjolli aktualisht është i huazuar te Monza dhe u vizitua nga drejtori gjeneral i klubit Adriano Galliani dhe trajneri Raffaele Palladino në spital pas incidentit. Ai citohet nga Gazzetta Dello Sport t’i ketë thënë dyshes: “Isha me karrocën me fëmijën tim brenda dhe ndjeva një dhimbje torturuese në shpinë. Më pas ai njeri goditi një tjetër me thikë në fyt.

“Kam pasur fat të mirë. Pashë një person të vdiste para meje”.

Mari ka bërë tetë paraqitje për skuadrën e Serie A dhe ka shënuar një gol deri më tani këtë sezon pas kalimit të tij huazues nga Arsenali. /Telegrafi/