Sport Futboll Ndërkombëtare

Shtatë transferimet që mund të transformojnë skuadrën e Man United

Para 1 muaji

Ruben Amorim ka pranuar se skuadra e tij Manchester United mund të jetë ‘më e keqja’ në historinë e klubit.

Djajtë e Kuq duhet të veprojnë në tregun e transferimeve për të shmangur një kolaps të plotë.

Por, çfarë u duhet në ekip në mënyrë që ta shpëtojnë sezonin? Më poshtë është i gjithë skenari:

Një portier

Situata e portierit kërkon vëmendje urgjente pas paraqitjeve të paqëndrueshme të Andre Onanas. Pavarësisht se u nënshkrua për gati 60 milionë euro më pak se dy vjet më parë, gabimet e tij dhe dështimi për të përmbushur pritshmëritë si një portier me nam, i kanë lënë tifozët të frustruar. Man United duhet të gjejë një zëvendësues të besueshëm afatgjatë.

Një qendërmbrojtës

Pjesa defanzive e Man United ka qenë vazhdimisht e dobët me mungesës të ritmit të qendërmbrojtësve aktualë, duke e bërë ekipin të pambrojtur ndaj kundërshtarëve më të shpejtë.

Bryan Mbeumo

Mbeumo i Brentford mund të trajtojë çështjet në krahun e djathtë. Reprezentuesi kamerunas, duke hyrë në 18 muajt e fundit të kontratës së tij, ka shënuar 13 gola në Ligën Premier këtë sezon dhe shkëlqen në sistemet me tre lojtarë përpara. Shkathtësia dhe mosha e Mbeumos e bëjnë atë një objektiv tërheqës, megjithëse çmimi i tij mund të afrohet 50 milionë eurove.

Matheus Cunha

Cunha, aktualisht te Wolves, mund të lulëzojë nën sistemin 3-4-3 të Amorimit. Sulmuesi brazilian, kontrata e të cilit skadon në vitin 2026, ka demonstruar talentin e tij në grupe të ngjashme. Një paraqitje e jashtëzakonshme kundër Man United në fundvit tregoi potencialin e tij për një lëvizje të madhe këtë verë.

Milos Kerkez

Kerkez i Bournemouth do të ishte një shtesë e vlefshme për krahun e majtë të Man United, të cilit i mungon qëndrueshmëria për më shumë se një vit. Mbrojtësi i majtë 21-vjeçar ka shkëlqyer në Ligën Premier dhe është efektiv edhe në formacionin 3-4-2-1. Sigurimi i Kerkezit do të kërkonte një investim të konsiderueshëm, duke pasur parasysh kontratën e tij deri në vitin 2028.

Joshua Kimmich

Kimmich i Bayern Munich mund të sjellë lidership dhe shkathtësi shumë të nevojshme në mesfushën e Man United ose në pozicionin e mbrojtësit të djathtë. Me tetë tituj të Bundesligës dhe përvojë të madhe ndërkombëtare, Kimmich do të rriste cilësinë e skuadrës. Megjithatë, bindja e tij për t’u transferuar në Old Trafford mund të jetë sfiduese.

Një golashënues i besueshëm

Sulmi i Man United ka nevojë dëshpërimisht për një golashënues të besueshëm pas rezultateve të përziera me transferimet më të reja. Opsionet përfshijnë Benjamin Sesko i RB Leipzig, golashënuesi më i mirë i Ligue 1, Jonathan David dhe Victor Osimhen i Napolit. Ndërsa këta lojtarë do të kërkojnë investime të konsiderueshme, aftësia e tyre e dëshmuar në ligat kryesore i bën ata thelbësorë për ringjalljen e Djajve të Kuq. /Telegrafi/