Shpërthen coronavirusi te Tottenhami: Gjashtë lojtarë dhe dy anëtarë të stafit rezultojnë pozitiv

Tottenhami i Antonio Contes mund të jetë në problem serioz para ndeshje në Ligën e Konferencës ndaj Rennes pasi gjashtë lojtarë dhe dy anëtarë të stafit kanë rezultuar pozitivë me COVID-19.

Emrat e atyre që kanë rezultuar pozitivë në teste nuk dihen ende, ndërsa Sky Sports Neës raporton se Spurs janë në pritje të rezultateve të testeve PCR përpara se të konfirmojnë se sa anëtarë të skuadrës janë prekur nga Coronavirusi.

Sipas mediave angleze deri në gjashtë nga lojtarët e ekipit të parë të Tottenham dhe dy anëtarë të stafit kanë rezultuar pozitivë për COVID-19.

#THFC have been hit by a Covid-19 outbreak ahead of Thursday’s Europa Conference League match against Rennes.

— Sky Sports News (@SkySportsNews) December 7, 2021

Meqenëse kërkohet një periudhë 10-ditore e izolimit për këdo që rezulton pozitiv me Coronavirus, kjo do të thotë që lojtarët dhe stafi i Contes do të humbasin tre ndeshje e radhës kundër Rennes, Brighton dhe Leicester City.

Është planifikuar edhe një përballje kundër Liverpoolit më 19 dhjetor, por ende nuk dihet se deri atëherë a do të jenë të gatshëm lojtarët.

Megjithatë, shpërthimi i coronavirusit nuk do të thotë se ndeshja e së enjtes ndaj Rennes është në dyshim, pasi sipas rregullave të UEFA-s, një ndeshje mund të shtyhet vetëm nëse skuadra ka më pak se 13 lojtarë në dispozicion. /Telegrafi/