Shpërngulja afër detit mund t’ju bëjë më të lumtur

Nuk janë të paktë njerëzit që ndonjëherë në jetën e tyre e kanë menduar si opsion që thjesht të shpërngulen diku afër detit për një shëndet më të mirë mendor.

Tani edhe dëshmitë shkencore e mbështesin këtë mendim, transmeton Telegrafi.

Hulumtimet e reja sugjerojnë se ata që jetojnë afër detit kanë shëndet më të mirë mendor sesa ata që jetojnë më larg.

Kjo ndodh pavarësisht të ardhurave financiare që i kanë ata.

Hulumtuesit, përmes anketimit me 25,963 persona, ka zbuluar se ata që jetojnë më pak se një kilometër nga bregdeti janë 22% më pak të prirë të kenë simptoma të çrregullimeve të shëndetit mendor sesa ata që jetojnë mbi 50 kilometra më larg.

Ata që kanë të ardhura të ulëta por që jetojnë afër bregdetit janë 40% më pak të prirë të kenë simptoma të çrregullimit mendor sesa ata që kanë të ardhura të ngjashme por që jetojnë më larg se 50 kilometra larg bregdetit.

Ekspertët nuk e dinë se përse ndodh kjo, por hulumtime më të gjera duhet të bëhen që të zbulohet arsyeja se si deti ndikon në shëndet mendor. /Telegrafi/