Këtë vit, Pebbles Beach do të shënonte 70 vjetorin e themelimit
Gjithçka filloi me Geneva Motor Show, që u anulua si pasojë e coronavirusit, për të vazhduar më pas edhe me New York Motor Show, transmeton Telegrafi.
Detroit Auto Show dhe Goodwood Festival of Speed ishin dy aktivitete tjera automobilistike që u anuluan si pasojë e coronavirusit.
Por, duket se nuk janë të fundit, pasi organizatorët e Pebbles Beach Concours d’Elegance kanë bërë të ditur s është anuluar ky aktivitet që ishte parashikuar të fillojë me 15 korrik.
Megjithëse, ky vit ishte shumë i rëndësishëm, sepse shënon 70 vjetorin e themelimit të kësaj shfaqje atraktive që zhvillohet që nga viti 1950 në Kaliforni të Shteteve të Bashkuara.
Organizatorët kanë bërë të ditur se të gjithë ata që kanë blerë bileta, mund të kërkojnë kthimin e parave, apo t’i ruajnë ato për edicionin e vitit që vjen, i cili do të fillojë me 15 korrik.
Vendimi për anulim, është bërë për shkak të frikës së përhapjes së coronavirusit, ndërsa i ka brengosur shumë dashamirësit e makinave, që e presin me padurim çdo edicion të këtij aktiviteti. /Telegrafi/
