I shkaktojnë lëndime trupore një personi, arrestohen dy të mitur në Deçan

Policia e Deçanit njofton se ka arrestuar dy të dyshuar të mitur të cilët kanë kryer vepren penale lëndim i rëndë trupor.

Sipas njoftimit për media, Policia është informuar se nga QKMF-Deçan një person i lënduar është transferuar në Spitalin Rajonal në Pejë.

“Patrullat policore pranë stacionit policor Deçan, kanë dalur në vendin e ngjarjes, për të kuptuar rrethanat e këtij rasti, aty kanë takuar një person i cili deklaron se viktimën SH.G lindur me 1982 m/k/sh e ka dërguar në emergjencë. Personi i lënduar nga spitali rajonal në Pejë, për shkak të gjendjes shëndetësore, është transportuar në QKUK-Prishtine për tretman adekuat”, thuhet në njoftim.

Në njoftim theksohet se njësitet policore të Stacionit Policor Deçan së bashku me njësitin e Hetimeve Rajonale DRP- Pejë, pas një pune intensive operative-hetimore kanë arritur që të identifikojnë dhe arrestojnë 2 (dy) të dyshuar (të mitur), të cilët kanë kryer vepren penale ‘lëndim i rëndë trupor’. Me urdhër të Prokurorit të shtetit të dyshuarit janë ndaluar për 24- orë, për të vazhduar me procedura të mëtutjeshme./Telegrafi/