Shitjet e iPhone 16 më në fund po lejohen në vendin e katërt më të populluar në botë

Në vjeshtën e vitit 2024, Indonezia ndaloi shitjet e serisë së iPhone 16: sot, vendi i katërt më i populluar në botë dhe Apple kanë arritur një marrëveshje për heqjen e ndalimit.

Kështu, mosmarrëveshja pesëmujore po përfundon dhe gjiganti i Kupertinos premton të rrisë angazhimin e tij për investime në vend në 1 miliard dollarë.

Ministria e Industrisë, e cila kishte mbështetur ndalimin, pritet të nënshkruajë një memorandum marrëveshjeje me Apple që në fillim të kësaj jave, shkruajnë mediat e huaja, përcjell Telegrafi.

Gjithashtu është planifikuar një konferencë për shtyp dhe ministria synon të lëshojë lejet e nevojshme për të lejuar shitjet e iPhone 16 sa më shpejt të jetë e mundur.

Bëhet e ditur se mosmarrëveshja filloi në tetor për shkak se iPhone 16 i Apple nuk përmbushi kërkesën që të paktën 40% e komponentëve të tij duhet të prodhohen në vend.

Megjithatë, në fillim të janarit disa mijëra njësi iPhone 16 kishin hyrë në vend, bazuar në të dhënat nga sistemi i Centralized Equipment Identity Register (CEIR).

Ndryshe, Apple aktualisht nuk planifikon të prodhojë iPhone në Indonezi.

Raportohet se plani i investimit prej 1 miliard dollarësh i Apple përfshin ndërtimin e një fabrike prodhimi në ishullin Batam për AirTags.

Për më tepër, Apple planifikon të prodhojë një fabrikë tjetër në Bandung për aksesorët dhe të vazhdojë të financojë akademitë e Apple për t’u ofruar studentëve aftësi teknike si kodimi. /Telegrafi/