Shitje më e dobët e Kindle Fire?

Texas Instruments (TI) zvogëloi parashikimet për të ardhurat e veta për çerekun e parë, duke theksuar dobësitë në lidhje me produktet pa tela dhe problemet në zinxhirin e furnizimit.

Sipas parashikimeve të reja TI pret profit prej në mes 15 dhe 19 cent për aksion, derisa parashikimet e mëhershme ishin në mes 16 dhe 24 cent. Të hyrat sipas parashikimeve të reja do të duhej të jenë në mes 2.99 dhe 3.11 miliard dollarë, që prapë është rënie në krahasim me parashikimet e mëhershme për qarkullimin në mes 3.02 dhe 3.28 miliard dollarë.

Duke theksuar si një nga arsyet kryesore kërkesën më të dobët për produktet pa tela, TI nxiti supozimet e analistëve se shitja e Kindle Fire të Amazon, i cili përdorë çipat e tij, nuk është aq e mirë siç pritej më herët. Gjithashtu supozohet se arsyeja mund të ishte shitja më e dobët e telefonave mobil të Nokias dhe RIM-it, të cilët gjithashtu përdorin çipat e kompanisë.

Por përfaqësuesit e TI-së nuk dëshiruan të emërojnë prodhuesit e pajisjeve të cilët kanë zvogëluar porositë, por vetëm cekën se ata vetë duhet të publikojnë rezultatet e shitjes në raportet e veta afariste. /Telegrafi/