SHGM: Drejtësia vonon por gjithmonë fiton

Shoqata e Gazetarëve të Maqedonisë (SHGM) e ka përshëndetur vendimin e Gjykatës Evropiane për të Drejtat e Njeriut për rastin ‘Selmani dhe të tjerët kundër Republikës së Maqedonisë’ e lidhur me ngjarjet e 24 dhjetorit 2012 kur gazetarët fizikisht u dëbuan nga galeria e Kuvendit të Republikës së Maqedonisë, përcjell Telegrafi Maqedoni.

Gjykimi i Gjykatës Evropiane konstaton shkelje të dy të drejtave të garantuar me Konventën Evropiane për të Drejtat e Njeriut edhe atë: E drejta e lirisë së shprehjes nga neni 10 dhe e drejta e gjykimit fer të nenit 6 nga Konventa.

Lexo po ashtu Strasbourg gjykon në favor të gazetarëve të cilët në të ashtuquajturën “e hëna e zezë” u dëbuan nga parlamenti (Video)

‘Ky gjykim është i pari me të cilën vërtetohet shkelja e lirisë së shprehjes dhe është shumë e rëndësishme për demokracinë dhe sundimin e ligjit në Maqedoni. Gjithashtu, gjykimi është edhe fitore e bashkësisë së gazetarëve e cila tregon se për drejtësi gjithmonë ia vlen të luftohet. Drejtësia ndoshta vonon por gjithmonë fiton’, thuhet ndër të tjera nga SHGM.

SHGM shton se ky gjykim reflekton dëshminë se institucionet në Maqedoni kanë dështuar në përmbushjen e tyre të detyrave themelore për t’i mbrojtur të drejtat e njeriut. /Telegrafi/