Sheqerinska: Maqedonia ka hyrë në procesin e negociatave me përgjegjësi, dije dhe dëshirë për zgjidhje

Zëvendëskryeministrja dhe ministre e mbrojtjes, Radmilla Sheqerinska vlerëson se Maqedonia në mënyrë shumë serioze ka hyrë në procesin e zgjidhjes së çështjes së emrit me Greqinë ku rëndësi të madhe ka lënja e përshtypjes pozitive në skenën ndërkombëtare, ku çdo hap vlerësohet nga BE dhe NATO edhe pse nuk mund të dihet se deri ku është e gatshme të shkojë pala greke, përcjell Telegrafi Maqedoni.

Në intervistën e emisionit “360 gradë” Sheqerinska ka thënë se nuk do të ketë zgjidhje nëse Greqia mbetet në pozitën e saj për emër të përbërë, të papërkthyer, erga omnes dhe me ndryshime të Kushtetutës së Maqedonisë.

“Por, qëllimi i procesit është të ndryshohen pozicionet fillestare. Jam optimiste se nga ky proces Maqedonia do të dalë si shtet që nuk do të turpërohet, por do të mund të lavdërohet me sjellje konstruktive, pozitive evropiane. Do të bëjmë gjithçka për të treguar se Maqedonia në këtë proces ka hyrë me përgjegjësi të madhe, dije dhe dëshirë për zgjidhjen e kontestit të emrit”, tha Sheqerinska./Telegrafi/