Shenjat që tregojnë se keni nevojë për pushim

Ndoshta keni dëgjuar tashmë për “sindromën e konsumimit” në punë dhe nuk do të habiteni nga informacioni se gjithnjë e më shumë njerëz përballen me këto probleme çdo vit. A mund t’i dalloni shenjat se është koha për të pushuar?

Nuk është gjithmonë e lehtë të njohësh shenjat e lodhjes, veçanërisht gjatë periudhës pandemike, e cila ka ndryshuar ndjeshëm mënyrën e punës së kompanive në të gjithë botën. Që nga fillimi i vitit të kaluar, shumica e njerëzve kanë punuar nga shtëpia, gjë që e bën pothuajse të pamundur për një punëdhënës të vërejë nëse punonjësit kanë nevojë për pushim.

Kjo është arsyeja pse është e rëndësishme t’i kushtoni kohë vetes dhe të përcaktoni nëse është koha e pushimeve:

Ndjeni mungesë të vetëbesimit, ju duket se nuk mund të kryeni detyrat që dikur dukeshin shumë të thjeshta. Marrëdhëniet me kolegët, miqtë, familjen dhe të njohurit duken të lëkundshme – ndiheni sikur nuk jeni mjaft interesant për ta, ata nuk ju duan pranë tyre…

Konsumimi shpesh i ngjan depresionit, gjë që i bën njerëzit të ndjehen të plogësht dhe të largët nga të tjerët. Si pasojë, njerëzit e mbingarkuar shpesh refuzojnë të marrin pjesë në ndonjë aktivitet shoqëror, anulojnë planet dhe veprojnë të painteresuar për t’u shoqëruar.

Keni filluar të hani më shumë apo më pak në krahasim me periudhën e mëparshme ose po hani ushqim më pak cilësor, sepse nuk keni dëshirë të mjaftueshme për t’u përqendruar në përgatitjen e vakteve cilësore dhe të rregullta.

Ndjeni se jeni më pak produktiv në punë dhe e keni gjithnjë e më të vështirë të bëni biznes. Ju nuk u kushtoni vëmendje detajeve dhe përpiqeni ta përfundoni punën sa më shpejt që të jetë e mundur, në mënyrë që ajo “t’ju hiqet nga duart” sa më shpejt.

Mbi të gjitha, nëse gjithnjë e më shumë mungoni nga puna dhe kërkoni ditë të lira – atëherë është padyshim koha që të përfitoni nga pushimet tuaja dhe të rimbushni bateritë. Konsumimi mund të shkaktojë probleme në stomak, dhimbje koke dhe shumë probleme të tjera shëndetësore. Dëgjoni trupin tuaj dhe shenjat që ju dërgon. /Telegrafi/