Shaqiri, Salah dhe Robertson i befasojnë fëmijët e vegjël – ylli nga Gjilani është bërë i preferuari i tifozëve

Xherdan Shaqiri është bërë njëri nga futbollistët më të dashur nga tifozët e Liverpoolit.

Mesfushori nga Kosova ka shkëlqyer që pas transferimit nga Stoke City me fanellën e kuqe duke shënuar gola të rëndësishëm dhe duke dhuruar asistime për bashkëlojtarët.

Liverpooli kishte vendosur që t’i befasojë fëmijët e një shkolle fillore, duke i dërguar tre yjet e skuadrës, Xherdan Shaqiri, Andrew Robertson dhe Mohamed Salah.

Fillimisht fëmijët pyesnin se për kë bënin tifo, për Liverpoolin apo Evertonin dhe lojtarin e tyre të preferuar.

Pasi përgjigjeshin fëmijët e vegjël, Salah, Shaqiri dhe Robertson dilnin në skenë duke i befasuar ata.

Priceless reactions 🤣😱😁🎅@MoSalah, @XS_11official and @andrewrobertso5 deliver a special Christmas surprise to unsuspecting local schoolchildren. Full video: https://t.co/CKlk3U6cph#ThisMeansMore pic.twitter.com/YYAg9JhmlQ

— Liverpool FC (@LFC) December 23, 2018

Disa nga fëmijët e vegjël ishin edhe tifozë të rivalit lokal të Liverpoolit, Evertonit por gëzoheshin kur shihnin yjet e The Reds.

Shaqiri dhe Salah ishin dy lojtarët më të preferuar nga tifozët e vegjël të Liverpoolit.

Gjesti i klubit dhe lojtarëve për t’i befasuar fëmijët e vegjël është mirëpritur shumë në rrjetet sociale që kanë përshëndetur këtë iniciativë të Liverpoolit. /Telegrafi/