Scholes me kritika për Pogban: Në botën e tij të fantazisë mendon se është më i miri

Legjenda e Manchester Unitedit, Paul Scholes, ka drejtuar kritika të rënda për Paul Pogban duke u shprehur se francezi mendon se është më i miri dhe po jeton në botën e tij të fantazisë.

Duke iu referuar zërave për një kalim të kampionit të botës në radhët e Real Madridit, Scholes thekson se largimi i tij nuk do të ishte ndonjë humbje e madhe për Djajtë e Kuq – transmeton KP.

Lexo po ashtu Të gjitha lajmet nga Paul Pogba

“Në vitet e shkuara, Unitedi ka humbur lojtarët më të mirë dhe sërish largimi tyre nuk ka ndikuar. Imagjinoni emra të tillë si Roy Keane, David Beckham, Cristiano Ronaldo, Ruud van Nistelrooy. Të gjithë lojtarë kryesorë, që u larguan nga klubi”.

“Ne të gjithë e njohim Pogban, flasim për potencialin e tij, por ai është 26 vjeçar dhe duhet të ketë vazhdimësi javë pas jave”.

“Ai ndoshta ka nevojë për një Bryan Robson ose një Roy Keane pranë tij vetëm për ta shkundur herë pas here, ndryshe do të jetojë në botën e tij të vogël të fantazisë, duke menduar se është më i miri”, ka thënë ish-mesfushori anglez.