Saul: Mund të ndalim Barcelonën pavarësisht formës së tyre të lartë  

Mesfushori i Atletico Madridit, Saul Niguez, është i bindur se skuadra e tij mund të ‘dëmtojë’ Barcelonën dhe të ndalojë startin e tyre perfekt në La Liga.

Barcelona ka nisur perfekt kampionatin në La Liga, duke arritur gjashtë fitore dhe 18 pikë nga gjashtë ndeshjet e para.

Ndeshja e radhës për Blaugranët është pikërisht ndaj një rivali të fortë, Atletico Madridit, ku skuadra e Diego Simeones e pret skuadrën e Ernesto Valverdes në takimin e parë pas ndeshjeve ndërkombëtare.

Lexo po ashtu Barcelona vazhdon rekordin e qind për qind në La Liga, fiton ndaj Las Palmasit në Camp Noun e zbrazët (Video)

Njëri nga lojtarët kryesore të skuadrës së Simeones, Saul Nigues beson se Atletico mund t’i dëmtojnë katalunasit dhe tua ndal serinë pozitive me vetëm fitore.

“Ne e dimë se mund t’i dëmtojmë ata”, ka thënë fillimisht Saul për Radio Marca.

“Barcelona ka bërë një start shumë të fortë, duke fituar të gjitha ndeshjet e tyre, por nëse punojmë së bashku si një skuadër, e cila është forca jonë dhe jemi në 100 për qind atëherë mund të fitojmë”.

Lexo po ashtu “Saul mund të bëhet njëri nga mesfushorët më të mirë në botë”

“Nëse Messi është në formë të lartë dhe vendos të shkojë dhe të fitojë ndeshjen, nuk ka asgjë që mund të bëni, nuk ka asnjë mënyrë për ta ndaluar atë”.

“Por, ne duhet të mbrojmë si një ekip, duke e njohur disiplinën tonë, pozicionimin dhe normën e punës, sepse ata kanë aq shumë cilësi në sulm”, përfundoi spanjolli. /Telegrafi/