San Antonio nuk di për humbje si vendas (Video)

Mbrëmë janë zhvilluar gjashtë ndeshje në ligën më të fortë të basketbollit në botë, ku kampioni Golden State Warriors e kishte pushim në NBA.

Ekipi i Greg Popovic, San Antonio Spurs ka vazhduar me paraqitje të mira para shikuesve të vetë në palestrën “AT & T” pasi që arriti edhe fitoren e 41-të radhazi.

Spursat triumfuan kësaj radhe kundër Los Angeles Clippersave me rezultat bindës 108:87, raporton Telegrafi.

Më përgjegjës për këtë triumf të ri të teksasianëve ishin LaMarcus Aldridge dhe Kawhi Leonard.

Ky i fundit regjistroi 20 pikë, 5 kërcime dhe 4 asistime, ndërsa ish-qendra e Portlandit realizoi 17 pikë dhe 6 kërcime.

Nga ana tjetër, Clipperssave nuk i mjaftuan për të shmangur humbjen 20 pikët e Chris Paulit dhe ‘double-double’ i Jordan Deandreas prej 16 pikëve dhe 14 kërcimeve.

Pas këtij triumfi, San Antoni ka bilanc pozitiv prej 57 fitoreve dhe dhjetë humbjeve, ndërsa Clippersat kanë 42 fitore dhe 14 humbje.

Rezultatet:
Indiana Pacers – Boston Celtics 103:98
Orlando Magic – Denver Nuggets 116:110
Brooklyn Nets – Philadelphia 76ers 131:114
Milwaukee Bucks – Toronto Raptors 89:107
Los Angeles Lakers – Sacramento Kings 98:106 /Telegrafi/