Salah zbulon bashkëlojtarin e preferuar te Liverpooli, befason me përgjigjen

Ylli i Liverpoolit, Mohamed Salah, ka zbuluar se Darwin Nunez është bashkëlojtari i preferuar i skuadrës për të luajtur së bashku, pavarësisht formës së paqëndrueshme të uruguaianit që kur iu bashkua klubit.

Në një pyetje dhe përgjigje të tifozëve, Salah vlerësoi aftësitë unike të Nunez dhe e mbrojti atë kundër kritikave nga disa tifozë.

“Shumë njerëz nuk e pëlqejnë atë, por mua më pëlqen të luaj me të”, ka thënë fillimisht Salah.

“Më pëlqen të luaj me të në përgjithësi. Nunez është një lojtar me aftësi të ndryshme. Jo shumë njerëz e kuptojnë lojën e tij”, përfundoi ylli i Reds.

Mbështetja e Salah për Nunez është një nxitje e rëndësishme për 25-vjeçarin, i cili është përballur me konkurrencë për një vend titullari nën menaxherin Arne Slot këtë sezon.

Nunez ka filluar vetëm nëntë ndeshje në Ligës Premier dhe Ligës së Kampionëve, duke shënuar tre gola dhe duke dhënë dy asistime.

Në të kundërt, Salah ka qenë në formë të shkëlqyeshme, duke udhëhequr listën e golashënuesve në Ligën Premier me 13 gola dhe duke luajtur një rol kryesor në suksesin e Liverpoolit në Angli dhe Evropë.

Situata e kontratës së tij mbetet e pazgjidhur, por një ofertë hapëse i është bërë egjiptianit, i cili dëshiron të zgjasë kohën e tij në Anfield. /Telegrafi/