Sa ndeshje të Liverpoolit do t’i humb Mohamed Salah për shkak të Kupës së Kombeve të Afrikës

Liverpool mund të jetë pa Mohamed Salah deri në tetë ndeshje kur ai përfaqëson Egjiptin në Kupën e Kombeve të Afrikës.

Djemtë e Jurgen Klopp presin Newcastle në ditën e Vitit të Ri në atë që do të jetë ndeshja e fundit e sulmuesit veteran në klub për një periudhë të gjatë kohore.

Turneu vjetor kontinental i Afrikës – që mbahet këtë vit në Bregun e Fildishtë – fillon më 14 janar, ku Egjipti do të përballet me Mozambikun.

Skuadra e Salah pritet të përparojë nga Grupi B, që do të thotë se pjesëmarrja në mesin e 16-të më të mirave do të zhvillohet më 28 ose 29 janar.

Çerek dhe gjysmëfinalet do të luhen më 2/3 dhe 7 shkurt, ndërsa finalja do të zhvillohet më 11 shkurt.

Lexo po ashtu Sauditët kanë filluar të sulmojnë sërish: Këta janë nëntë yjet që mund të transferohen në Azi në janar

Në total, kjo mund të nënkuptojë një mungesë prej tetë ndeshjesh për mbretin egjiptian, pasi Liverpool hyn në një periudhë vendimtare në vitin e ri.

31-vjeçari do të humbasë ndeshjen në raundin e tretë të FA Cup me Arsenalin më 7 janar, si dhe dy gjysmëfinalet e Carabao Cup kundër Fulham, më 10 dhe 24 janar.

Klopp gjithashtu do të jetë pa Salah për ndeshjet e Ligës Premier kundër Bournemouth (21 janar), Chelsea (31 janar), Arsenal (4 shkurt) dhe Burnley (10 shkurt). /Telegrafi/