Rusia bën emetimin më të madh të borxhit njëditor në historinë e saj

Rusia ka bërë emetimin e saj më të madh të borxhit njëditor në histori, duke mbledhur ekuivalentin e 13.6 miliardë eurove, tha Ministria e Mbrojtjes e Mbretërisë së Bashkuar (MM).

Emetimi i borxhit është një qasje e përdorur si nga qeveritë ashtu edhe nga kompanitë për të mbledhur fonde duke i shitur obligacione investitorëve të jashtëm.

Në këmbim, investitorët fitojnë interes periodik mbi shumën e investuar.

Latest Defence Intelligence update on the situation in Ukraine – 19 November 2022

Find out more about the UK government's response: https://t.co/QETLoujAbb

🇺🇦 #StandWithUkraine 🇺🇦 pic.twitter.com/Q0kqdha4pT

— Ministry of Defence 🇬🇧 (@DefenceHQ) November 19, 2022

Në përditësimin e fundit të inteligjencës mbi luftën në Ukrainë, Ministria e Mbrojtjes shpjegoi se kjo është e rëndësishme për Rusinë pasi emetimi i borxhit është një “mekanizëm kyç për të mbështetur shpenzimet e mbrojtjes”.

Kjo është rritur ndjeshëm që nga pushtimi i Ukrainës, tha ai, duke shtuar se Moska do të shpenzojë 40 për qind më shumë në buxhetin e deklaruar të “mbrojtjes kombëtare” vitin e ardhshëm.

“Lëshimi i borxhit është i shtrenjtë gjatë periudhave të pasigurisë”, deklaroi MM.

“Madhësia e këtij ankandi ka shumë të ngjarë të tregojë se Ministria Ruse e Financave i percepton kushtet aktuale si relativisht të favorshme, por po parashikon një mjedis fiskal gjithnjë e më të pasigurt gjatë vitit të ardhshëm”, njoftoi ministria britanike. /Telegrafi/