LAJMI I FUNDIT:

Rrjedhin ‘taktikat sekrete’ të Anglisë para ndeshjes me Holandën – Southgate nuk përmbahet

Rrjedhin ‘taktikat sekrete’ të Anglisë para ndeshjes me Holandën – Southgate nuk përmbahet

Gareth Southgate mbeti i acaruar pasi taktikat e tij u zbuluan tri ditë përpara se Anglia të dilte ballë për ballë me Zvicrën në çerekfinale, ndërsa ka frikën që mund t’i ndodhin edhe tani ndaj Holandës në gjysmëfinale. Trajneri i Tre Luanëve ndryshoi formacionin e tij për përballjen, me skuadrën e tij që përfundimisht fitoi ndeshjen pas gjuajtjeve të penalltive.

Southgate është vënë nën kritika gjatë gjithë turneut për shkak të paraqitjeve të dobëta të Anglisë dhe mungesës së golave.

Dhe ish-mbrojtësi ndërmori një veprim befasues kundër zviceranëve pasi u rikthye në formacionin 3-4-2-1.


Por pas ndeshjes, ai ka vënë në shënjestër mediat teksa shpjegoi gjatë konferencës së tij për shtyp pas ndeshjes: “Plani ynë taktik për lojën u zbulua edhe tri ditë më parë, mund të zbulohet edhe tani. Jetojmë në një botë të mahnitshme ku është kaq e vështirë për ne, sepse çdo element surprizë që mund të keni me kundërshtarin është zhdukur tri ditë më parë. Është vërtet e pabesueshme”.

Southgate bëri një ndryshim në formacionin e tij fillestar kundër Zvicrës pasi mbrojtësi i Aston Villas, Ezri Konsa, hyri për të zëvendësuar Marc Guehi të pezulluar. Ndërkohë, Bukayo Saka u rreshtua në krahun e djathtë pasi pritej të luante në të majtë.

Dhe Anglia ofroi një kërcënim më të madh sulmues sesa kishte bërë gjatë katër ndeshjeve të tyre hapëse të turneut, pavarësisht se pa mundësitë e tyre për të shënuar gola nga një mbrojtje e mirëorganizuar e Zvicrës.

Fituesit e Kupës së Botës 1966 u detyruan të vulosnin edhe një herë fitoren e tyre në rrugën e vështirë pasi mbetën prapa në një goditje Breel Embolo me 15 minuta të mbetura nga koha e rregullt.

Saka ia doli t’i barazonte shifrat pesë minuta pas golit të disavantazhit për ta çuar ndeshjen në kohën shtesë, me asnjërën nga skuadrat që nuk mund të gjente një rrugë për të shënuar përpara një gjuajtjeje penalltish.

Dhe kur ylli i Mancester Cityt, Manuel Akanji, pa gjuajtjen e tij të pritur nga Jordan Pickford, Tre Luanët ishin në gjendje të shfrytëzonin epërsinë pasi Cole Palmer, Jude Bellingham, Saka, Ivan Toney dhe Trent Alexander-Arnold shënuan që të gjithë nga 11 metra. /Telegrafi/

Në trend Sport

Më shumë
Real Madridi vendos të bëjë diçka që nuk e ka bërë që pesë vite pas lëndimit të Carvajal

Real Madridi vendos të bëjë diçka që nuk e ka bërë që pesë vite pas lëndimit të Carvajal

La Liga
Asistimi i pabesueshëm i Raul Jimenez ndaj Cityt po cilësohet si më i miri i vitit

Asistimi i pabesueshëm i Raul Jimenez ndaj Cityt po cilësohet si më i miri i vitit

Premier League
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë

Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë

Ndërkombëtare
Mysafirëve në

Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur

Formula 1
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit

Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit

La Liga
Fabrizio Romano më në fund tregon nëse Haaland do t'i bashkohet Barcelonës në verë

Fabrizio Romano më në fund tregon nëse Haaland do t'i bashkohet Barcelonës në verë

Premier League
Kalo në kategori