Rritet numri i emrave nga Maqedonia në “Dokumentet e Panamasë“

Në internet faqen e Konzorciumit ndërkombëtar të gazetarëve hulumtues, ku dhe u bënë të qasshme materialet e quajtura “Dokumentet e Panamasë”, nga Maqedonia deri më tani janë shfaqur tre persona: Roland Zlatku, Slobodan Spasovski dhe Aleksandar Panovski, transmeton Telegrafi Maqedoni.

Sipas të dhënave të Konzorciumit ndërkombëtar të gazetarëve hulumtues, Panoski ndërlidhet me kompaninë “Orient Oil and Gas Limited“, e cila është regjistruar në një adresë në Ishujt e virgjër britanik.

Spasovski ndërlidhet me kompaninë “Fisn Del Limited“, e regjistruar në ishujt Sejshell ndërsa Roland Zlatku ndërlidhet me kompaninë „Eniston Developmnet Corporation“, me adresë në Shangai, Kinë, ndërsa e regjistruar në Ishujt e virgjër.

Që nga publikimi fillestar i mega-aferës së Konzorciumit ndërkombëtar të gazetarëve hulumtues, „Dokumentet e Panamasë“, ishte theksuar nga hulumtuesit, se posedimi i “of-shore” kompanisë diku në botë, nuk është e paligjshme.

Kompanitë të cilët më së shpeshti i zgjedhin destinacionet “of-shore” për regjistrim, këtë e bëjnë për shkak të tatimeve dhe të dhënave tjera të ulëta.

Duhet të përmendet edhe ajo që kompanitë dhe personat të cilët i publikoi Konzorciumi ndërkombëtar i gazetarëve hulumtues janë të lidhur vetëm me një firmë juridike “of-shore”, Mossack Fonseca, e katërta në botë për nga madhësia./Telegrafi/

Lexo po ashtu: Aleksandar Panovski-emri i parë nga Maqedonia i publikuar nga ‘Dokumentet e Panamasë’