Rrëzohet një aeroplan në Karaibe – humbin jetën 12 persona

Të paktën 12 persona humbën jetën pasi një aeroplan i vogël që raportohet se transportonte të paktën një shtetas amerikan, u rrëzua në Detin e Karaibeve.

Përplasja fatale ndodhi disa minuta pasi aeroplani Jetstream u ngrit nga ishulli Honduras i Roatan të hënën mbrëma, transmeton Telegrafi.

Fluturimi i linjës ajrore Lanhsa mbante 14 pasagjerë dhe tre anëtarë të ekuipazhit, sipas ministrit të Transportit, i cili tha se rrënojat u gjetën rreth 0.6 milje larg bregut të ishullit.

Dhjetëra persona humbën jetën dhe pesë të tjerë u shpëtuan pasi një ‘dështim mekanik i dukshëm’ e çoi aeroplanin në spirale në det.

Zyrtari i aviacionit civil Carlos Padilla përshkroi se si aeroplani u ngrit dhe ‘bëri një kthesë të fortë në të djathtë të pistës dhe ra në ujë’.

Një peshkatar tha për televizionin HCH se mezi e shmangu goditjen.

“Aeroplani për pak ra mbi ne. Unë isha duke peshkuar”, shpjegoi ai.

Mes të vrarëve ishte muzikanti dhe politikani i njohur honduras Aurelio Martinez, raportojnë mediat lokale.

Martinez ishte një figurë e njohur në skenën muzikore Garifuna, komuniteti afro-indigjen nga Shën Vincenti që u mërguan në Honduras në shekullin e 18-të.

Grupi i tij Lita Ariran ishte, “një nga grupet e para Garifuna që u shfaq në një regjistrim të shpërndarë ndërkombëtarisht”, sipas Qendrës Kennedy.

Më vonë ai hyri në politikë dhe u zgjodh si përfaqësues në Kongresin Kombëtar të Hondurasit.

Policia e Hondurasit konfirmoi se trupi i të paktën një anëtari të ekuipazhit ishte gjetur. Pamjet dramatike treguan punëtorët e shpëtimit duke punuar furishëm në ujë. /Telegrafi/