Rrënoja dhe tronditje: Video që tregojnë pasojat katastrofale të tërmetit në Itali (Video)

Video dramatike janë publikuar duke treguar pasojat e një tërmeti shkatërrues prej 6.2 ballësh që thuhet se ka lënë të paktën 38 të vdekur në Italinë qendrore.

Siç shkruajnë mediat e huaja, përcjell Telegrafi, banorët shihen në dëshpërim dhe shok mbi rrënojat e ndërtesave atje.

Lexo po ashtu Tërmeti në Itali: Pamje drithëruese të regjistruara nga kamerat e sigurisë (Video)

Tërmeti tronditi Italinë qendrore të mërkurën në mëngjes, pasuar nga një seri dridhjesh, ka njoftuar Instituti Gjeologjik i SHBA-ve.

Epiqendra e tërmetit ishte vendosur rreth 76 kilometra në juglindje të qytetit të Perugia dhe vetëm 126 kilometra në veri të kryeqytetit, Romës, qyteti më i madh dhe më i populluar në rajon me 2.6 milionë banorë.

Disa qytete të vogla dhe fshatra janë dëmtuar rëndë nga tërmeti, përcjell Telegrafi.

Lexo po ashtu Tërmeti në Itali: Pamje LIVE nga qyteti që “nuk është më” (Video)

Qytetet më të prekura besohet të jenë Accumoli, Amatrice, Posta dhe Arquata del Tronto.

“Të paktën 38 persona janë vrarë, por numri i të vdekurve mund të rritet”, kanë thënë zyrtarët.

“Shohim se situata është edhe më e keqe se që jemi frikësuar, me ndërtesa të shembura, njerëz të bllokuar nën rrënoja, dhe asnjë zë i jetës”, ka thënë kryetari i Accumoli, Stefano Petrucci. /Telegrafi/