Rrëfimi rrëqethës i doktorit amerikan që po lufton me COVID-19: Po filloj të krijoj idenë se nuk mund t’i shpëtoj të gjithë

Doktor Joseph Varon, zyrtari kryesor mjekësor i “United Memorial Medical Center” (UMMC) tha që ai ka frikë se së shpejti do të përballet me një dilemë me të cilën shumë mjekë gjetkë thanë që janë përballur më herët gjatë pandemisë: Vendosja se kë nga pacientët të shpëtojë.

“Kam frikë se në një moment do të duhet të marr disa vendime shumë serioze”, i tha ai Reuters në një intervistë. “Po filloj të krijoj idenë se nuk mund t’i shpëtoj të gjithë”.

Sipas Reuters, përcjell Telegrafi, bëhet fjalë për Varon, 58 vjeç, i cili po mbikëqyr njësinë e spitalit kushtuar pacientëve me COVID-19, ku tha se ai ka tendencë të ketë mesatarisht 40 persona në ditë.

Ai tregoi se nënshkroi më shumë certifikata vdekjeje në javën e fundit sesa në çdo pikë në karrierën e tij.

Në fillim të këtij muaji, Reuters ndoqi specialistin e mushkërive dhe kujdesit kritik në një ndërrim ndërsa ai nxitonte nëpër korridoret – i ndjekur nga një grup i vogël i infermierëve dhe studentëve të mjekësisë – duke ndaluar për të inspektuar tabelat mjekësore dhe të kontrollonte pacientët, ndonjëherë edhe duke iu ofruar atyre fjalë ngushëllimi ose duke arritur t’u qëndrojë pranë.

Dhe shumë prej atyre në njësinë COVID-19 të Varonit kishin nevojë për “tuba hundësh” për t’i ndihmuar ata të marrin frymë.

Pasdite, mjeku dhe ekipi i tij nxituan të ringjallnin një pacient, duke kryer CPR mbi njeriun që u shqiptua më vonë i vdekur.

Personeli mjekësor e mbuloi trupin e tij në çarçafë të bardhë dhe e mbështolli atë në një qese speciale.

Ndërsa pandemia e coronavirusit që ka kapluar kombin amerikan për muaj të tërë tregoi pak shenja të uljes, punëtorët e kujdesit shëndetësor në vijat e frontit shpesh bien pre e virusit që ka vrarë rreth 150,000 njerëz në Shtetet e Bashkuara.

E as ekipi i Varonit nuk bën përjashtim.

Christina Mathers, një infermiere 43-vjeçare në UMMC, iu tha që ajo doli pozitive në testin për COVID-19 javën e kaluar pasi ajo raportoi të ndjehej e sëmurë gjatë ndërrimit të saj.

“Kjo është gjëja më e vështirë për të dëgjuar ndonjëherë… Ai përzihet me ju”, tha Mathers, e cila ka punuar çdo ditë tjetër që nga 29 prill. “Por unë nuk do të shkoja diku tjetër, por këtu”.

Varon, i cili ishte një praktikant spitalor kur një tërmet i madh goditi Mexico City në viti 1985, tha se trajtimi i virusit ka qenë tepër sfidues për profesionistët mjekësorë.

“Gjatë gjithë jetës sime, unë kam qenë në fatkeqësi të mëdha”, ka thënë ai. “Asgjë nuk ka qenë aq e vështirë për t’u marrë, sikurse COVID-19”.

Ndërkohë Riley Harrison, 67 vjeç, tha që filloi të ndjehej sikur nuk mund të merrte frymë mjaftueshëm në punë dhe se ai mundohej të merrte ajër të mjaftueshëm në mushkëri edhe për të thirrur gruan e tij, e cila gjithashtu u prek nga virusi. Tani, ata të dy janë shtruar në spital në UMMC.

“Nuk mund të merrja frymë”, tha Riley në një pëshpëritje ndërsa oksigjeni rridhte nëpër tuba në hundën e tij.

“Nëse keni një dëshirë për vdekje, luani me COVID-19”.

Siç shkruan më tej Reuters, përcjell Telegrafi, ekspertët mjekësorë dhe zyrtarët kanë qenë duke e alarmuar me numrin në rritje të të rinjve që sëmuren me COVID-19, duke paralajmëruar se nuk duhet ta marrin atë si një virus të rrezikshëm vetëm për njerëzit e moshuar.

Tetëmbëdhjetë vjeçarja Larissa Raudales kishte probleme me frymëmarrjen dhe tha që mushkëritë e saj ishin të lënduara kur e dërguan në UMMC. Me ilaçe, ajo kishte filluar të ndjehej më mirë.

“U tmerrova… mendova se nuk mund të marr frymë më”, ka rrëfyer ajo. “Unë thjesht mendova se do të vdisja praktikisht atje”.

Texas, së bashku me Kalifornian dhe Floridan, është shfaqur si një nga pikat e reja të nxehta kombëtare.

Dr. David Persse, autoriteti shëndetësor për Departamentin e Shëndetit të Houston, tha që spitalet në zonë po “luftojnë”, pasi ata merreshin me një mungesë të personelit për të trajtuar një krizë që po vazhdonte prej muajsh.

“Njerëzit që punojnë në spitale janë të lodhur… Është një lodhje fizike dhe emocionale për ju”, ka thënë ndër tjerash ai. /Telegrafi/