Rooney tregon sulmuesin më të mirë të huaj ndonjëherë në Ligën Premier, nuk është Aguero

Sergio Aguero dhe Manchester City kanë njoftuar se sulmuesi do të largohet nga Etihad në fund të këtij sezoni, pas pothuajse dhjetë vjet në klub.

Një nga rivalët e mëdhenj të argjentinasit gjatë viteve ishte Wayne Rooney gjatë kohës së tij në Manchester United dhe tani menaxheri i Derby County ka thënë fjalën e tij për kohën e Aguero në Ligën Premier.

Me shumë njerëz që lavdëruan 32-vjeçarin si sulmuesin më të mirë të huaj që ka luajtur në ligë, Rooney u pyet nëse ai ishte dakord, por  ish-lojtari i Anglisë e mohoi.

Duke përmendur emra si Ruud van Nistelrooy, Dennis Bergkamp dhe Eric Cantona, Rooney zbuloi se ishte në të vërtetë një legjendë e Arsenalit ai që beson se është sulmuesi më i mirë i huaj që ka luajtur në kampionat.

Lexo po ashtu Zbulohet lista me 20 dyshet më produktive në histori të Ligës Premier

“Aguero ka qenë fantastik dhe sigurisht që është atje lart. Por nëse do të më kërkohej të zgjidhja atëherë unë ndoshta do të thosha që Thierry Henry ishte lojtari më i mirë i huaj”, ka thënë fillimisht Rooney.

“Ka disa të tillë në grup që vijnë menjëherë pas tij si Aguero, Ruud Van Nistelrooy, Dennis Bergkamp dhe Eric Cantona”.

Sidoqoftë, Rooney vlerëson atë që Aguero ka bërë në dhjetë vitet e fundit.

“Ai është padyshim një nga të mëdhenjtë e Ligës Premier dhe kjo është e sigurt. Ai është atje lart. Është një lojtar fantastik”.

Lexo po ashtu Rooney zbulon katër lojtarët më të fortë që ai ka luajtur kundër tyre gjatë karrierës, nga një në secilën pozitë

“Ai është i jashtëzakonshëm dhe ka qenë një zbulim. Jam i sigurt që ai do t’i mungojë Cityt dhe Ligës Premier sepse ai është një lojtar cilësor”.

“Nëse ai qëndron në Angli nuk e di, por çfarëdo që të bëjë, ai me siguri ka pasur një karrierë fantastike”, përfundoi anglezi. /Telegrafi/