Romano tregon detaje se si mund të realizohet transferimi i Anthoy Gordon te Liverpooli

Anthony Gordon vazhdon të jetë objektivi kryesor i Liverpoolit për ta përforcuar repartin ofensivë për sezonin e ardhshëm.

Liverpool gati ra dakord për një marrëveshje për Anthony Gordon në qershor, por transferimi dështoi në fund.

Newcastle thuhet se po kërkon një tarifë prej 75 milionë funte për të ndarë rrugët me sulmuesin, diçka që Reds nuk janë gati të paguajnë.

Lexo po ashtu Liverpooli nuk është i gatshëm ta sakrifikojë talentin e tyre të madh për transferimin e Anthony Gordon

Fabrizio Romano thotë se marrëveshja ende mund të realizohet nëse Newcastle ul kërkesat e tyre ose nëse ndodhin lëvizje të tjera në tregun e transferimeve.

“Nëse Newcastle e ulin çmimin, kjo mund të jetë ende një mundësi, mendoj, për Liverpoolin në javët e fundit të afatit kalimtar. Por kjo nuk është diçka që po dëgjoj se tani është vërtet e afërt, sepse ende nuk ka asnjë ofertë për Newcastle. Nuk ka ende një bisedë të re nga klubi në klub”.

Lexo po ashtu Kërkesa e parë e Arne Slot tek Liverpooli është transferimi i top yllit të Newcastle

“Pra, ne duhet të shohim se çfarë ndodh në një lloj efekti domino. Por, për momentin, nuk është diçka vërtet e afërt dhe ne gjithashtu duhet të respektojmë Newcastle sepse ata duan të mbajnë Anthony Gordon në klub”.

“Pra, nuk do të jetë aspak e lehtë, por vlerësimi është 100 për qind i konfirmuar”, ka deklaruar Fabrizio Romano. /Telegrafi/