Romagnoli humb sezonin shkaku i lëndimit?

Kapiteni i Milanit, Alessio Romagnoli ka pësuar një dëmtim të muskulit dhe mund të humbasë pjesën tjetër të sezonit në Serie A.

Mbrojtësi italian u lëndua gjatë fitores 2-1 të Milanit kundër Sassuolos në ndeshjen e javës së 35-të në Mapei Stadium.

Romagnoli është vendosur të humbasë ndeshjen e radhës kundër Atalantas të premten, por duket se do të jetë jashtë për tre ndeshjet e mbetura të sezonit të Milanit.

⏱ 32'
Second forced sub due to injury: the Captain is unable to continue. @gigiodonna1 will be the captain for the rest of his 200th appearance. #SassuoloMilan 0-1 #SempreMilan pic.twitter.com/R3n1SmaQim

— AC Milan (@acmilan) July 21, 2020

Trajneri Stefano Pioli, i cili është konfirmuar të mbetet në krye deri në qershor të vitit 2022 do te ketë mungesa tjera gjithashtu.

Mesfushori Ismael Bennacer dhe mbrojtësi Theo Hernandez gjithashtu do të t’i mungojnë Milanit shkaku i kartonëve.

“Romagnoli kishte një problem muskulor që pothuajse me siguri do ta lërë jashtë për ndeshjet e mbetura”, ka thënë fillimisht Pioli për Milan TV.

“Më vjen shumë keq sepse ne po luanim mirë dhe Alessio kishte luajtur të gjitha minutat e kampionatit me cilësi”, përfundoi trajneri italian. /Telegrafi/