Roma triumfon me përmbysje për të mbajtur pozitën e dytë (Video)

Me rezultat prej 3-1, Roma e ka fituar ndeshjen e javës së 29-të në Serie A kundër Sassuolos.

Në sfidën e zhvilluar në Stadio Olimpico, të parët në epërsi kaluan mysafirët. Gregoire Defrel pranoi një top nga Berardi dhe realizoi (9’).

Mirëpo, nuk zgjati shumë dhe erdhi goli i barazimit. Leandro Paredes pranoi një top nga Salah dhe shënoi një gol të bukur (16’).

Në minutat shtesë të pjesës së parë (45’+3), Mohamed Salah shënoi golin e përmbysjes nga një top i kthyer pas goditjes së El Shaarawy.

Rezultatin përfundimtar e vendosi Edin Dzeko (68’), asistimi ishte i Strootman.

Kjo fitore e mban Romën në vend të dytë në tabelë me 65 pikë, dy më shumë se Napoli që është në vend të tretë. Lideri Juventus prin me 73 pikë.

Në xhiron e ardhshme, Giallorossët luajnë kundër Empolit, ndërsa Sassuolo pret Lazion. /Telegrafi/

http://www.dailymotion.com/video/x5f9i6i_gregoire-defrel-goal-hd-as-roma-0-1-sassuolo-19-03-2017_sport

http://www.dailymotion.com/video/x5f9mtl_edin-dzeko-goal-vs-sassuolo-3-1_sport