Roma e ka deklasuar Bolonjën në kuadër të javës së 11-të në Serie A, pasi e ka mposhtur 5-1.
Pas vetëm pesë minutash lojë, Giallorossët kaluan në epërsi fal një auto-goli nga Andrea Poli, duke mposhtur kështu portierin e tij.
Mirëpo, pesë minuta më vonë, Lorenzo Insigne asistoi te Edin Dzeko, për të dyfishuar kështu epërsinë e tyre.
Në minutën e 15-të, Lorenzo Pellegrini pranoi një asistim bga Leonardo Spinazzola, për të shënuar për 3-0.
E vetmja gjë që arritën vendasit të bënin në këtë takim ishte që të realizonin në minutën e 24-të, pas Bryan Cristante shënoi auto-gol.
Roma vazhdoi me ritmin e tyre të lartë të lojës dhe shënuan golin e katërt me anë të Jordan Veretout (35'), me një asistim të Henrikh Mkhitaryan,
Anësori armen më pas u shndërruar në golashënues dhe në minutën e 44-të pranoi një asistim nga Karsdrop, për rezultatin 5-1.
Në pjesën e dytë nuk munguan golat, derisa njërën prej tyre e anuloi VAR-i.
Ishte minuta e 58-të, kur Dominguez i Bolonjës shënoi gol, mirëpo atë e anuloi video asistenti i gjyqtarit për pozitë jashtë loje.
Lojtarët e Paulo Fonsecas në fund triumfuan për rezultatin e thellë, duke marrë kështu tri pikë të plota.
Pas javës së 11-të, Roma gjendet në vendin e pestë me 21 pikë, derisa në xhiron e 12-të do të takohen me Torinon. /Telegrafi/
