Roma fiton me dy gola të Dzekos dhe dy autogola (Video)

Roma ka shënuar edhe fitoren e dytë rresht në kampionatin italian.

Romakët triumfuan si mysafirë të skuadrës së Beneventos me rezultat të pastër prej 4-0, ku shkëlqeu me dy gola Edin Dzeko.

Megjithëse minutat e para i takuan vendasve të ekipit ku luan edhe mesfushori shqiptar me tipare sulmuese Ledian Memushaj, të parë në epërsi kaluan mysafirët.

Fillimisht, Edin Dzeko realizoi golin e parë në takim në të 22 minutë për t’i lënë vend autogolit të Fabio Lucioni, i cili ngriti epërsinë e romakëve dhjetë minuta para përfundimit të 45 minustshit të parë.

Në pjesën e dytë gjiganti italian shënoi edhe dy gola, përkatësisht një gol e realizoi sërish sulmuesi boshnjak dhe një autogol.

Dzeko shënoi edhe golin e dytë personal, përkatësisht të tretin për romakët tetë minuta pas fillimit të pjesës së dytë.

Rezultatin përfundimtar të 4-0 për Romën e vulosi Lorenzo Venuti, i cili shënoi 15 minuta para përfundimit të takimit.

Pas kësaj, Roma ka nëntë pikë dhe renditet në pozitën e pestë të renditjes tabelore të Serie A gjersa ka edhe një ndeshje më pak të zhvilluar me Sampdorian, e cila nuk u luajt për shkak të kushteve të këqija atmosferike. /Telegrafi/

https://www.youtube.com/watch?v=2QpLBSVzOk8

https://www.youtube.com/watch?v=HGxS8xy7ONA

https://www.youtube.com/watch?v=v3leh4J7bGM

https://www.youtube.com/watch?v=v8GJjCF_wd0