Roma e ka fituar “Derby della Capitale” me rezultat bindës 3-0 ndaj Lazio në kuadër të javës së 30-të në Serie A.
Pas vetëm një minute lojë në Olimpico, Giallorossët kaluan në epërsi me anë të Tammy Abraham.
Vendasit nuk u ndalën me kaq dhe realizuan edhe të dytin në minutën e 22-të, sërish me anë të sulmuesit anglez.
Për t’u përkujdesur për rezultatin final 3-0, u përkujdes Lorenzo Pellegrini që realizoi një super gol nga gjuajtja e lirë.
Në 45 minutat e dytë, Lazio ishte më e mobilizuar dhe nuk lejoi hapësira të mëdha mbrapa, duke mos pranuar edhe kështu gol.
Roma tentoi që të mbante rezultatin dhe të shënonte edhe golat e tjerë, por që vlen të theksohet se ishte njëra ndër paraqitjet brilante të tyre deri më tani në këtë edicion.
Pas javës së 30-të, Roma gjendet në vendin e pestë me 51 pikë, dy më shumë se Lazio në të gjashtin. /Telegrafi/
