Rod Stewart shijon një ditë të nxehtë në ‘West Palm Beach’ gjatë periudhës së izolimit

Rod Stewart të mërkurën në mëngjes ka shijuar një ditë të bukur pranë detit pasi ditë më parë ndihmoi në mbledhjen e parave për ‘Organizatën Botërore të Shëndetit’.

Ylli botëror e bëri një vizitë në “West Palm Beach” në Florida, meqë Shtetet e Bashkuara të Amerikës vazhdojnë të ndjekin udhëzimet e rrepta në lidhje me distancimin shoqëror dhe izolimin.

Me rritjen e temperaturave, Rod, 75-vjeçar, u relaksua duke marrë ca rreze dielli, ndërsa ai shfrytëzoi pjesën më të madhe të zonave bregdetare.

Ylli britanik kishte veshur një këmishë rozë dhe pantallona të shkurtra ngjyrë të kuqe të ndezur, me një palë atlete që përputhen me dukjen e tij.

Lexo po ashtu Të gjitha lajmet nga Rod Stewart

Duke përfunduar pamjen e tij shumëngjyrëshe dhe duke garantuar se qëndroi i freskët në një ditë tjetër të kësaj periudhe pandemie, Rod po ashtu mbante në kokë edhe një kapelë.

Paraqitja publike vjen pasi Rod dhe vajza e tij, Ruby, 32-vjeçare, mbajtën një shfaqje bamirësie përmes një ‘live’ në Instagram të premten.

Rod mbajti mini-koncertin “TogetherAtHome” për të ndihmuar në mbledhjen e parave për ‘Organizatën Botërore të Shëndetit’ Global mes krizës së vazhdueshme të coronavirusit.

Pasi dyshja kishin kënduar një numër hitesh klasike të Rodit, atyre iu bashkuan gruaja e Rodit, Penny Lancaster dhe djemtë e tyre Aiden, nëntë vjeç, dhe Alastair, 14 vjeç, në fund të videos për të kënduar “Forever Young” në një stil akapella. /Telegrafi/