Robert Lewandowski nis biznesin e ri në qytetin e tij të lindjes, gjithçka është nën shenjën e numrit ‘9’

Robert Lewandowski, sulmuesi i Barcelonës, ka nisur së fundmi një biznes në vendlindjen e tij në Poloni, saktësisht në kryeqytetin e vendit, Varshavë.

Lewandowski nuk ka qenë shumë origjinal në zgjedhjen e biznesit, pasi ka vendosur për fushën e hotelerisë, një zgjedhje tipike për një futbollist. Në Varshavën e tij të lindjes, ai ka hapur një restorant me emrin “Nine’s”.

Janë publikuar fotografi të brendshme të restorantit që ofron ushqim amerikan me prekje të kuzhinës aziatike dhe polake, dhe gjithçka është nën shenjën e numrit 9.

Përveç emrit të restorantit, ku shfaqet ky numër, një nga specialitetet e restorantit janë gjevrekët në formë të numrit 9.

Ato përgatiten me qumësht bajame dhe numri 9 është i shkruar edhe mbi shkallët si dhe në disa nga stolitë e restorantit. Mbi tryezat shkruhen inicialet e polakut, përsëri me numrin e pandashëm 9.

Sigurisht, bëhet fjalë për numrin që Lewandowski mban në fanellën e tij gjatë karrierës së tij mbresëlënëse në futboll dhe fotografitë e brendshme të restorantit mund t’i shihni në galerinë e fotografive.

Ajo që tërheq vëmendjen janë edhe stolitë në një pjesë të restorantit, që në fakt janë ulëset e njëjta që zakonisht shohim në stërvitjet e lojtarëve rezervë në stadiumet.

Ju kujtojmë, Lewandowski në verën e vitit 2022 u transferua nga Bayerni në Barcelonë për 45 milionë euro dhe këtë sezon ka shënuar 9 gola në 21 ndeshje për ekipin katalanas. /Telegrafi/