Rita Ora duket me stil e veshur me kostum xhins teksa merr pjesë në Javën e Modës në Londër

Rita Ora dukej më me stil se kurrë më parë teksa festoi lansimin e koleksionit të saj të parë me “Primark” në Javën e Modës në Londër të premten.

Këngëtarja, 32 vjeç, e cila njoftoi bashkëpunimin e saj me markën ndërkombëtare të modës së shpejtë në fillim të kësaj jave, veshi një kostum xhins për këtë event.

Duke pozuar për foto në Ambika P3, në Marylebone, asaj iu bashkua një sërë të ftuarish të famshëm VIP, duke përfshirë Neelam Gill , e cila kishte veshur një kostum dantellash.

Rita e bashkoi jelekun xhins me një fund maxi që përputhej, me aksesorë me një gjerdan të shkëlqyeshëm dhe një çantë metalike.

Duke i stiluar flokët e saj të gjatë në valëzime, ajo e përfundoi pamjen e saj me një palë taka të larta të zeza.

Modelja Neelam, 28 vjeçe, duke dalë në event, tërhoqi vëmendjen me një palë sytjena të guximshme dhe pantallona të shkurtra të zeza me një fustan dantelle të shtruar sipër.

Ylli botëror Rita është bashkuar me markën ndërkombëtare të modës së shpejtë për të nisur një bashkëpunim të saj për shumë sezone.

Zingjiri i shitjes me pakicë njoftoi Rita Ora x Primark: një linjë e re e modës e gjithanshme e cila është duke u krijuar për gati dy vjet.

Duke nisur të martën më 19 shtator, koleksioni do t’i lejojë klientët e Primark të blejnë stilin e famshëm të krijueses së hitit “I Will Never Let You Down” me më pak çmim.

Duke komentuar partneritetin, Rita tha: “Gjatë gjithë jetës sime, gjithmonë kam dashur të dukem me stil dhe kur isha më e re, nuk mund ta kisha bërë këtë pa Primark”.

Lexo po ashtu Të gjitha lajmet nga Rita Ora

“Krijimi i këtij koleksioni me Primark ka qenë shumë nostalgjik për mua dhe mezi pres që bota ta shohë atë!”, u shpreh artistja për bashkëpunimin me markën. /Telegrafi/