Rita Ora duket atraktive me flokët e saj kaçurrela, ndërsa shihet me fustan transparent në Londër

Rita Ora tërhoqi vëmendjen e të pranishmëve me një fustan transparent, teksa u kënaq duke shijuar mbrëmjen e saj në Chiltern Firehouse të premten.

Këngëtarja, 33 vjeçe, ekspozoi fizikun e saj të jashtëzakonshëm teksa veshi një fustan midi te zezë me dantellë, i cili theksonte format e saj trupore.

Fustani shumë i guximshëm i la pak vend imagjinatës, teksa ajo ekspozoi të brendshmet e zeza dhe një rrip të ngjyrës kafe, shkruan DailyMail.

Këngëtarja shkëlqeu me stilin e saj, e veshur me një pallto ngjyrë kadife të zezë, të cilën e kombinoi me një çantë të zezë.

Lexo po ashtu Rita Ora përlotet në spektaklin "The Masked Singer"

Rita i shtoi elegancë dukjes së saj, me një palë çorape të shkëlqyera dhe përfundoi veshjen me këpucë të zeza me taka.

Këngëtarja, e cila është martuar me regjisorin Taika Waititi, 48 vjeç, së fundmi ka blerë një shtëpi me tre kate në Zelandën e Re.

Rita tashmë mburret për marrjen e një hapi të rëndësishëm në jetën e saj duke blerë këtë shtëpi të re bashkë me bashkëshortin e saj, ndërsa e falënderon 16 milionë ndjekësit e saj në Instagram për mbështetjen e tyre në këngën e saj më të fundit, “Shape Of You”.

Këngëtarja ka rritur popullaritetin e saj që nga viti 2012 me super hitin “Hot Right Now”, i cili kryesoi klasifikimet e muzikës në Mbretërinë e Bashkuar.

Ndërsa ajo ndoqi pallton me një çantë të zezë dhe këpucë stiletto, Rita theksoi më tej pamjen e saj të bukur me zinxhirë argjendi, duke përfunduar me një shkëlqim të fortë në sytë dhe buzët e saj.

Ajo dukej në humor të mirë teksa qeshte me fotografët në hyrje të klubit ekskluziv dhe hotelit me 5 yje në zemër të Londrës.

E martuar që në gusht të vitit 2022, Rita nuk e konfirmoi zyrtarisht martesën e saj me Taikan deri në janar të vitit 2023, kur i tha radios Heart FM: “Po, jam e martuar. Kur dolën thashethemet – a është a nuk është? – Dëshirova ta bëja lojë. Dëshirova të bëja një dasmë që nuk shkoi sipas planit… kjo nuk do të thotë se është ajo që ndodhi vërtet”.

Ndërkohë, në një intervistë të fundit, Rita Ora ka folur nëse fëmijët janë në horizont për të, duke pranuar se marrëdhënia e saj me Taikan e ka “pjekur” atë.

Këngëtarja tha se mjafton vetëm martesa si presion, por pastaj vijnë edhe gjëra të tjera si të pasurit fëmijë dhe të gjitha këto gjëra që të mësohen.

Megjithatë, ajo dhe Taika me siguri kanë hapësirë tani që kanë blerë një shtëpi tre-katëshe në Zelandën e Re. /Telegrafi/