Këngëtaret shqiptare me famë botërore, Rita Ora, Dua Lipa dhe Era Istrefi, kanë bërë publike preferencat e tyre për Kampionatin e sivjetmë Botëror.
Gjatë ditës së shtunë është zhvilluar ndeshja çerekfinale ndërmjet Suedisë dhe Anglisë, të cilën e fituan Tre Luanët dhe u kualifikuan në gjysmëfinale.
(Foto: Instagram/RitaOra)
Shqiptaret e famshme, përmes profileve të tyre në rrjetet sociale, kanë treguar mbështetjen e tyre për Anglinë.
Rita, e cila ndodhej në Poreç të Kroacisë, ka publikuar një video nga plazhi duke kënduar: "Futbolli po vjen në shtëpi".
(Foto: Instagram/DuaLipa)
Dua e ka publikuar një video duke e shikuar ndeshjen, ndërsa e ka shoqëruar me simbolet që shpresonte për sukses.
Takimin ndërmjet Suedisë dhe Anglisë e ka shikuar edhe Era, e cila dëgjohej duke thënë: "Përpara Angli".
(Foto: Instargam/Strefie)
Theksojmë se Era Istrefi e ka kënduar himnin e sivjetmë të Kampionatit Botëror, "Live It Up", së bashku me Nicky Jam dhe Will Smith. /Telegrafi/
