Është rihapur finalja e madhe e elitës së basketbollit amerikan NBA.

Miami Heat ka triumfuar në ndeshjen e tretë ndaj Lod Angeles Lakers duke ngushtuar rezultatin në 1-2 në të mirë të skuadrës nga Kalifornia.

Heat triumfuan me 11 pikë epërsi 115:104, në një ndeshje ku ishin në epërsi thusjse gjatë gjithë takimit.

Jimmy Butler ka qenë i jashtëzakonshëm në ndeshjen e tretë finale pasi arriti 'Triple-Double'.

Ylli i Heat e mbylli ndeshjen me 40 pikë, 11 kërcime e 13 asistime.

Me lojë të mirë tek skuadra fituese u dalluan edhe dyshja Herro e Olynyk që e mbyllen ndeshjen me nga 17 pikë.

Pikë dyshifrore tek Heat shënuan edhe Duncan Robinson e Crowder.

LeBron James ishte më efikasi te Lakers me 25 pikë, 10 kërcime e tetë asistime.

Kyle Kuzma dhe Markieff Morris shtuan nga 19 pikë, por Anthony Daivs nuk ishte në ditën e tij më të mirë pasi e mbylli ndeshjen me vetëm 15 pikë e pesë kërcime, çka ndikoi në humbjen e LA.

Ndeshja e katërt finale do zhvillohet të mërkurën pas mesnate. /Telegrafi/

NBASport
telegrafi sport app