Rihanna ‘mbretëreshë’ e stilit të veshjes, shëtitë rrugëve të Los Angeles me pallto nga Bottega Veneta që ka një vlerë afro 10 mijë dollarë

Ajo është ‘koka’ pas një perandorie të suksesshme të produkteve të bukurisë, kujdesit të lëkurës dhe të brendshmeve.

Dhe Rihanna dukej sikur ishte duke u përgatitur për një projekt tjetër të ri, ndërsa u pa në qendër të Los Angeles rreth orës 2:00 të mëngjesit të së martës, shkruan DailyMail.

Këngëtarja e “The Love On The Brain”, 33 vjeç, dukej tërheqëse si kurrë më pare, ku ajo shoqëroi një pallto të errët, ngjyrë të verdhë të Bottega Veneta me një këmishë dhe pantallona të shkurtra Daisy Duke.

Palltoja e Rihanna-s ishte pjesa kryesore e veshjes, duke shfaqur një kombinim kamoshi me ngjyrë të verdhë e cila ka një çmim prej 9450 dollarësh.

Lexo po ashtu Rihanna vjen unike dhe joshëse në koleksionin e ri të “Savage X Fenty”

Duke i lënë veshjet e saj të jashtme elegante qendrën e vëmendjes, RiRi e përfundoi pamjen e saj me pantallona të shkurtra xhinse të thjeshta, një këmishë dhe atlete të bardha New Balance me detaje të kuqe, ndërsa mbuloi gërshetat e saj të gjata me një shall mëndafshi.

Kanë kaluar pesë vjet që kur ajo publikoi albumin e saj të fundit, Anti.

Ylli i hiti “Umbrella” ka pasuri me një vlen rreth 1.7 miliard dollarë, raporton Forbes, duke e bërë atë femra e dytë më e pasur në planet, pas Oprah Winfrey që ka 2.7 miliardë dollarë.

Pretendohej se pjesa më e madhe e pasurisë së këngëtares (1.4 miliard dollarë) nuk vjen nga muzika, por nga 50 përqind e aksioneve të saj në linjën e saj të mirënjohur të kozmetikës Fenty Beauty – një sipërmarrje e përbashkët me konglomeratin e mallrave luksoze franceze LVMH – dhe me vlerë 2.8 miliardë dollarë në total. /Telegrafi/