Ricky Martin bën performancën e parë në Hollywood Bowl pas akuzave për incest nga nipi

Ricky Martin doli në skenë në Hollywood Bowl të premten mbrëma në daljen e tij të parë publike që kur pretendimet se kishte një marrëdhënie incestuoze me nipin e tij u hodhën poshtë në gjykatë.

“A po kaloni një kohë të mirë”, pyeti Martin, 50-vjeç, përpara se të niste interpretimin me Orkestrën Filharmonike në Los Angeles.

“Gjithçka që dua është që ju të harroni të gjitha problemet tuaja sonte dhe të përqendroheni te dashuria dhe le të kalojmë mirë. A jeni gati Los Angeles për të kaluar një natë të mirë?”.

Këngëtari i “Livin’La Vida Loca” më pas vazhdoi të dhuronte një shfaqje të mahnitshme përpara turmës pa përmendur çështjen me të nipin.

Nipi 21-vjeçar i Martinit, Dennis Yadiel Sanchez – i cili është djali i gjysmëmotrës së Rickyt, Vanessa Martin – më parë pretendoi se ai dhe këngëtari i “She Bangs” ishin në një lidhje shtatë mujore dhe se artisti e përndiqte atë pasi u ndanë, duke e detyruar të bënte edhe një urdhër ndalimi.

Lexo po ashtu Ricky Martin i quan të ‘dhimbshme dhe shkatërruese’ pretendimet e nipit të tij për incest

Megjithatë, këtë javë, Sanchez, tërhoqi pretendimet ndaj xhaxhait të tij të famshëm.

Martin më vonë tha për rastin: “Faleminderit Zotit që këto pretendime u vërtetuan të rreme, por unë do t’ju them të vërtetën, ka qenë kaq e dhimbshme dhe shkatërruese për mua, për familjen time për miqtë e mi. Këtë nuk ia uroj askujt’.

“I uroj atij më të mirën dhe uroj që të gjejë ndihmën që të fillojë një jetë të re të mbushur me dashuri, të vërtetë dhe të mos lëndojë askënd tjetër”, shtoi Martin. /Telegrafi/

View this post on Instagram

A post shared by Gustavo Dudamel (@gustavodudamel)