Rezervistët e Barçës barazojnë ndaj Celta Vigos në ndeshjen e parë të Copa del Rey (Video)  

Barcelona nuk ka mundur të marr më shumë se një barazim 1-1 në udhëtimin e tyre te Celta Vigo në ndeshjen e parë të Copa del Rey apo e njohur si Kupa e Mbretit.

Pjesa e parë e takimit ishte e barabartë nga të dyja skuadrat, të cilët arritën të krijojnë nga disa raste, por të shënojnë vetëm nga një gol.

Ishin mysafirët nga Barcelona të cilët kaluan të parët në epërsi në minutën e 15-të me golin e talentit Jose Arnaiz, i cili u asistua nga Andre Gomes.

Megjithatë, nuk vonoi shumë dhe Celta Vigo gjeti golin e barazimit me anë të Pione Sisto, i cili shënoi në minutën e 31-të për 1-1 dhe dërgoi skuadrat në pushim.

Në pjesën e dytë, të dy skuadrat u munduan të gjejnë golin e epërsinë, por ishte Barcelona që pati më shumë raste dhe ishte më afër golit edhe pse nuk e gjeti pasi ndeshja përfundoi me rezultat 1-1.

Rasti në i mirë në këtë pjesë ishte ai i Sergio Busquets, i cili goditi shtyllën në minutën e 62-të, por fati nuk ishte me të.

Deri në fund të pjesës së parë krejt çka vlen të përmendet është edhe rikthimi i Ousmane Dembeles në lojë pas katër muajsh i lënduar.

Kështu, ndeshja e parë e Copa del Rey përfundoi me barazim 1-1, ndërsa ndeshja e kthimit në Camp Nou zhvillohet me 11 janar. /Telegrafi/

https://www.dailymotion.com/video/x6cn542

https://www.dailymotion.com/video/x6cn5gg