Kërkesat e njëpasnjëshme nga Lëvizja Vetëvendosje dhe nga organizatat e ndryshme që ai ta lërë pozitën e ministrit të Punëve të Brendshme, nuk e frikësojnë Bajram Rexhepin. Ai ndihet i qetë dhe mendon se vetëm kryeministri Hashim Thaçi mund ta lëvizë nga pozicioni që ka.
Në një intervistë për Tribunën, Rexhepi ka thënë se rasti i pasaportave ia dëmtoi imazhin, por nuk ndihet aspak fajtor për aferën që vazhdon të mbetet nën hetime.
Duke u shprehur në gjuhën popullore sa i përket llogaridhënies, Rexhepi ka thënë se secili duhet të japë individualisht llogari për hajninë e vet. /Telegrafi/
