I referohet si idiot irlandezit: Khabib kërkon 100 milionë euro për rimeçin ndaj McGregorit

Khabib Nurmagomedov është i gatshëm që të përballet me Tony Ferguson më 18 prill në UFC 249 në Los Angeles.

Fansat e sportit të arteve marciale janë të gëzuar për këtë ballafaqim, mirëpo ata duan që të ndodhë sërish rimeçi me Conor McGregorin.

Irlandezi fitoi ndaj Donald Cerrones pas 15 muajsh qëndrimi jashtë UFC-s, duke bërë të ditur se ai po rikthehet, mirëpo është i interesuar që të ritakohet me kampionin në fuqi të peshave të lehta që i shkaktoi humbjen në tetor të vitit 2018.

Lexo po ashtu "Ofroni 90 milionë euro dhe rimeçi ndodhë" - Babai i Khabibit paralajmëron ripërballjen me McGregorin

Duket se Khabib është në dijeni për dëshirën e fansave të tij dhe ka bërë të ditur se i do 100 milionë euro nga ajo përballje.

“A jam i interesuar për ripërballje? Jo edhe aq. Kam një meç më 18 prill, një luftë serioze”, ka thënë ai.

“Për disa muaj, jam stërvitur ditë e natë dhe dukem në formë të mirë, aty ku duhet të jem 70 ditë parameçit”.

Lexo po ashtu Khabibit i ofrohen 100 milionë euro për t’u përballur me McGregorin ose Mayweather

“E di se në media po qarkullojnë shumë gjëra, por unë ju them që t’i ofrojnë 100 milionë euro dhe unë do ta mposht sërish atë idiot”, ka thënë më tej Khabib.

McGregori dëshiron t’i hakmerret rusit për humbjen e shkaktuar, derisa para përballjes së tyre ksihte shkaktuar mjaftë rrëmujë mes të dyja kampeve. /Telegrafi/