Rebic konfirmon se ka marrë oferta konkrete

Ante Rebici ka pranuar se ka marrë oferta konkrete për t’u larguar nga Eintracht Frankfurti gjatë këtij afati kalimtar.

Reputacioni i futbollistit 24-vjeçar është rritur shumë që nga pjesëmarrja në Kampionatin Botëror, ku arriti deri në finale me Kroacinë.

Manchester Unitedi, Sevilla dhe Tottenham Hotspur janë klubet që i kërkojnë shërbimet e anësorit kroat.

Vet lojtari ka konfirmuar se agjenti i tij ka pranuar oferta konkrete për shërbimet e tij, ndërkohë që është shprehur i kënaqur që Jose Mourinho e dëshiron në skuadër.

Lexo po ashtu Lajmet për Rebic

“Jam i kënaqur që dëgjoj dhe lexoj se sa shumë trajnerë të mëdhenj dhe klube po pyesin për mua. Sinqerisht, mendoj se e kam merituar!”.

“Zhvillova një Kampionat të shkëlqyer Botëror dhe një sezon akoma më të mirë me Eintrachtin. Po, e di se ka oferta konkrete, jam në kontakt të vazhdueshëm me agjentin tim”.

“Jam i kënaqur që u kam dëshmuar të gjithëve se mund të llogarisin tek unë, por siç kam thënë, ka edhe shumë kohë deri në mbyllje të afatit kalimtar”, ka deklaruar Rebic për Goal.

Është raportuar se Unitedi mund të shpenzojë deri në 50 milionë euro për transferimin e tij. /Telegrafi/