Reali vazhdon me fitore fal golit të CR7 (Video)

Real Madridi ka fituar ndaj Getafes me rezultat 1-2 në La Liga.

Ishte një ndeshje e vështirë edhe pse mysafirët zotëruan takimin nga fillimi deri në fund.

Goli i vetëm në pjesën e parë erdhi nga Karim Benzema në minutën e 39-të të takimit. Francezi ka shënuar 123 gola për Los Balncos, por ky ishte i pari në këtë sezon.

Vendasit barazuan në minutën e 56-të pas një aksioni të bukur, por të konkretizuar nga Jorge Molina.

Atëherë kur i duhej më së shumti Realit në skenë u shfaq Cristiano Ronaldo, i cili me golin e parë sezonal (La Liga) në minutën e 85-të i dha Los Blancos fitoren.

CR7 ka shënuar në 11-të nga 12-të takimet e fundit ndaj Getafes në kampionat.

Pas kësaj fitore Reali ngjitet në pozitën e dytë me 17 pikë, katër më pak se Barcelona, e cila ka një ndeshje të mbetur ndaj Atletico Madridit.

Getafe vazhdon në pozitën e 14 me tetë pikë.

Ndeshja e ardhshme e skuadrës së drejtuar nga Zinedine Zidane është ndaj Eibarit, kurse Getafe kundër Levantes.

Vlen të theksohet se kjo ishte fitorja e tretë radhazi e Realit. /Telegrafi/

http://www.dailymotion.com/video/x64krir