Real Madridi nuk heq dorë nga Eriksen

Real Madridi duket se nuk ka hequr dorë nga transferimi i Christian Eriksenit, edhe pse është raportuar se nuk zgjon më interesimin e tyre.

Sipas asaj që raportojnë mediat në Spanjë, familjarët e yllit të Tottenham Hotspurit kanë filluar kërkimet për të gjetur një shtëpi në kryeqytetin spanjoll.

27-vjeçari thuhet se i tërheq madrilenët jo vetëm për shkak të talentit të tij, por edhe për shkak të çmimit të ulët dhe profesionalizmit të treguar deri më tani në Ligën Premier.

Presidenti i Spurs, Daniel Levy, ka treguar në të kaluarën se nuk është një njeri që dorëzohet me lehtësi, por në avantazhin e madrilenëve është fakti se kontrata aktuale e danezit skadon pas një viti dhe klubi anglez nuk mund të rrezikojë ta humbasë atë me kosto zero pas 12 muajsh.

Lexo po ashtu Reali ofron 45 milionë dhe Ceballos për Eriksenin, Tottenhami e do Asension si pjesë të marrëveshjes

Lojtari e ka bërë të qartë prej kohësh dëshirën e tij për t’u transferuar në Bernabeu dhe tani u takon dy klubeve të arrijnë një marrëveshje.

Transferimi i tij te Los Blancos mund të mbyllet për një shumë rreth 110 milionë euro, ndërsa do të nënshkruajë një kontratë katërvjeçare. /Telegrafi/