Real Madridi arrin marrëveshje me Florian Wirtz për kushtet personale

Afati kalimtar veror i 2024 nuk do të hapet deri në fillim të korrikut, por kjo nuk e ka ndaluar Real Madridin që të punojë për objektivin e tyre kryesor të 2025.

Hapat e parë janë bërë drejt arritjes së një marrëveshjeje për transferimin e yllit gjerman Florian Wirtz nga Bayer Leverkuseni.

Sipas gazetës spanjolle Marca, dy marrëveshje tashmë janë arritur mes Real Madridit, Leverkusenit dhe Wirtz.

E para është mes të dyja klubeve sipas së cilës mesfushori gjerman nuk do të largohet nga “Aspirinat” këtë verë.

E dyta është mes Real Madridit dhe Wirtz, pasi palët duket se janë pajtuar në lidhje me kushtet personale për një transferim në 2025.

Lexo po ashtu Real Madridi shpreson ta mposht Chelsean në garën për shërbimet e sensacionit brazilian

Ideja është që 21-vjeçari të luajë në rolin që Jude Bellingham u paraqit sezonin e kaluar, me reprezentuesin anglez që do të vendosej në një pozicion më të thellë.

Transferimi i Wirtz do të ishte një lëvizje fenomenale për Real Madridin, ani pse nuk do të ishte një operacion i lirë.

Raportimet sugjerojnë se një marrëveshje me Leverkusenin mund të arrihet në regjionin e 150 milionë eurove, ani pse paratë duket se nuk janë një problem për Florentino Perezin./Telegrafi/