Live Rasti Marigona
Vrasja e Marigona Osmanit – Dardan Krivaqa dënohet me burgim të përjetshëm, Arbër Sejdiu me 15 vjet burgim
Përditesuar 04/08/2023 10:46
Gjykata Themelore e Ferizajt sot ka shpallur aktgjykimin ndaj Dardan Krivaqës dhe Arbër Sejdiut, për vrasjen e Marigona Osmanit. Krivaqa u dënua me burgim të përjetshëm, ndërkaq Sejdiu me 15 vjet burgim.
Dy të pandehurit janë dënuar për vrasje të rëndë dhe ndihmë në kryerjen e vrasjes, ndërkaq janë liruar nga akuza për dhunim dhe akuza për ndihmë në kryerjen e veprës penale “dhunimi”.
Seanca ku u shpall aktgjykimi ishte e hapur për publikun.
Pas dënimit me burgim të përjetshëm për Dardan Krivaçën ka pasur reagime të shumta në vend.
“Bravo për këtë qen, i mjerë” familjarët e Marigona Osmanit mirëpresin vendimin për burg të përjetshëm ndaj Dardan Krivaçës
Gjykata Themelore në Ferizaj ka dënuar me burgim të përjetshëm Dardan Krivaçën për vrasjen e Marigona Osmanit.
Në momentin kur gjykatësi shpalli vendimin për Krivaçën, familjarët e Osmanit mirëpriten vendimin me duartrokitje ndërsa deklaruan “Bravo për këtë qen, i mjerë”, transmeton Telegrafi.
Nëna e Marigona Osmanit po ashtu duke dalë nga seanca, iu drejtua Krivaçës duke i thënë “Ishalla kurrë dritë nuk sheh, ma ke mbytë vajzën 18 vjeç”.
Për vrasjen e Marigona Osmanit, u dënua edhe Arbër Sejdiu me 15 vjet burgim. /Telegrafi/
Arbër Sejdiu dënohet me 15 vjet burgim për ndihmë në vrasjen e Marigona Osmanit
Gjykata Themelore ka dënuar me 15 vjet burgim Arbër Sejdiun për ndihmë në vrasjen e Marigona Osmanit.
Kurse, Dardan Krivaça është dënuar me burgim të përjetshëm.
Seanca ndaj Krivaçës dhe Sejdiut kishte filluar pas orës 11:00.
Vrasja e Marigona Osmanit, ishte cilësuar si një nga vrasjet më të rënda të ndodhura në Kosovën e pasluftës. /Telegrafi/
Dardan Krivaça dënohet me burgim të përjetshëm për vrasjen e Marigona Osmanit, Arbër Sejdiu me 15 vjet burgim
Gjykata Themelore në Ferizaj ka dënuar sot Dardan Krivaçën me burgim të përjetshëm për vrasjen e 18-vjeçares, Marigona Osmani, ndërkaq Arbër Sejdiu u dënua me 15 vjet burgim.
Vrasja e Marigona Osmanit, pamje nga seanca ku pritet të jepet aktgjykimi ndaj Dardan Krivaçës dhe Arbër Sejdiut
Në Gjykatën Themelore në Ferizaj sot pritet të shpallet aktgjykimi ndaj Dardan Krivaçës dhe Arbër Sejdiut, të dyshuar për vrasjen e Marigona Osmanit.
Para nisjes së seancës gjyqësore ku do të shpallet aktgjykimi ndaj të dyshuarve Dardan Krivaça e Arbër Sejdiut po mbahet një protestë e Kolektivit për Mendim dhe Veprim Feminist.
Përfaqësues të Kolektivit për Mendim dhe Veprim Feminist kërkuan dënim maksimal për të akuzuarit Krivaça dhe Sejdiu.
Para nisjes së seancës, protestë para Gjykatës – kërkohet drejtësi për Marigona Osmanin
Para nisjes së seancës gjyqësore ku do të shpallet aktgjykimi ndaj të dyshuarve Dardan Krivaça e Arbër Sejdiut po mbahet një protestë e Kolektivit për Mendim dhe Veprim Feminist.
Përfaqësues të Kolektivit për Mendim dhe Veprim Feminist kërkuan dënim maksimal për të akuzuarit Krivaça dhe Sejdiu.
Në këtë protestë u tha se femicidi duhet të trajtohet si urgjencë shtetërore.
Fotografi para Gjykatës Themelore në Ferizaj, seanca ku do të jepet aktgjykimi ndaj Krivaçës e hapur për publikun
Për pak minuta pritet të fillojë seanca gjyqësore ku do të jepet aktgjykimi për Dardan Krivaçën dhe Arbër Sejdiun, të dyshuar për vrasjen e 18-vjeçares, Marigona Osmani.
Para nisjes së seancës është parë numër i madh i mediave para Gjykatës për ta përcjellë seancën.
Ditë më parë, Gjykata Themelore në Ferizaj ka bërë të ditur se seanca gjyqësore ku do të jepet aktgjykimi do të jetë e hapur për publikun.
Familja e Marigona Osmanit kërkon burgim të përjetshëm për të akuzuarit
Ditë më parë është mbajtur në seancën gjyqësore janë thënë fjalët përfundimtare.
Familja e të ndjerës Marigona Osmani, përmes avokatit Gazmend Rexhepi ka kërkuar burgim të përjetshëm për të akuzuarit.
Ndërkaq, i akuzuari për vrasjen e Marigona Osmanit, Dardan Krivaça ka shprehur keqardhje për atë që ka ndodhur, gjersa theksoi se po të mundte do bënte gjithçka të kthente kohën pas.
E Arbora Shefkiu, avokatja e të dyshuarit tjetër, Arbër Sejdiut kërkoi që klienti i saj të lirohet nga akuzat.
“Kur vendoset drejtësia për Marigonën duhet me u vendosë edhe për Arbërin njëjtë”, citohet të ketë thënë Shefkiu.
Promo
Reklamo këtu
Nga Telegrafi Jobs
Nga Viva Fresh Store
Nga Auto Mita
Nga Grand Residence Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City