Rashica te Werderi – Klubi i Vushtrrisë mbush arkat, kryetari Imeri flet për shumën që i takon klubit nga Kosova, rregullin e FIFA-s dhe investimet

Ditë më parë Milot Rashica kaloi te Werder Bremeni nga Vittese për 7.5 milionë euro.

Nga kjo shifër do të përfitojë edhe klubi KF Vushtrria, sepse rregullat e FIFA-s thotë se pesë per qind e vlerës totale i takon klubit ame, pra atij klubi që e prodhoi lojtarin në aspektin sportivo-profesional.

Për RTV Dukagjinin ka folur edhe kryetari i klubit të parë të Rashicës, Naser Imeri, ku ka shpjeguar në detaje gjithë këtë:

“Kjo është një arritje e madhe edhe për Milotin edhe klubin tonë, jemi krenar që ai ka dal nga ne. Është një rregull nga FIFA që siguron se pesë per qind të shumë totale i takon klubit ame, pra në këtë rast neve”.

Lexo po ashtu Dita e parë e Rashicës te Werderi: Tifozët e vonojnë në stërvitje dhe në fund flasin fjalë të mira për shqiptarin që vodhi menjëherë zemrat e tyre me respektin e treguar (Video)

“Sipas kalkulime tona ne do të përfitojmë rreth 300 mijë euro, për rastin në fjalë kemi filluar të interesohemi. I kemi shkruar Federatës së Kosovës, FIFA-s dhe kemi angazhuar një agjent. Këto para do t’i shfrytëzojmë duke investuar në shkollën e futbollit Kosova e Vushtrrisë”, ka thënë Imeri.

Rashica ka nënshkruar kontratë me klubin gjerman deri në vitin 2020.

Ylli i Përfaqësueses së Kosovës shpesh herë ka ndihmuar ish-klubin e tij nga Kosova edhe nga ana financiare. /Telegrafi/