Raportohet se ka dështuar transferimi i Pedro Porros te Tottenhami

Lëvizja prej 45 milionë eurosh e Tottenhamit për mbrojtësin e Sporting Lisbonës, Pedro Porro, duket se nuk do të jetë e mundur pasi klubi portugez refuzoi kushtet e rëna dakord më parë, sipas raportimeve të fundit.

Mbrojtësi i krahut të djathtë dukej se do të kalonte në Ligën Premier këtë muaj pas një angazhimi të madh nga Spurs, por The Athletic  ka raportuar se marrëveshja tani ka kolapsuar.

Pasi u tha se mund të largohej nga klubi pas finales së Kupës së Ligës Portugeze të së shtunës nga presidenti Frederico Varandas, Porro tani është i shqetësuar se nuk mund të realizojë lëvizjen e tij.

Lexo po ashtu Lamtumira emocionuese e Pedro Porros ndaj tifozëve të Sportingut para kalimit te Tottenhami

Bisedimet mes 23-vjeçarit dhe skuadrës veriore të Londrës kishin arritur në një fazë të avancuar dhe klubi dukej se do të realizonte një marrëveshje për mbrojtësin e vlerësuar.

Sporting kishte listuar tashmë ish-yllin e Arsenalit, Hector Bellerin, si zëvendësues të bashkatdhetarit të tij nga Barcelona.

Interesimi i Tottenhamit për spanjollin u ngjall pas një paraqitjeje të mirë nga ish-mbrojtësi i Manchester Cityt, duke përfshirë paraqitjet e forta në takimet e tyre në fazën e grupeve të Ligës së Kampionëve.

Deri më tani në 2022-2023, 23-vjeçari ka tre gola dhe 11 asistime në të gjitha garat nën drejtimin e Ruben Amorimit, duke e forcuar shpejt pozicionin e tij si një nga lojtarët më të rëndësishëm në klub. /Telegrafi/