Aaron Ramsey është kthyer në stërvitje me Juventusin para ndeshjes së Ligës së Kampionëve kundër Dynamo Kievit.Football Italia njofton se mesfushori uellsian është kthyer në dispozicion të trajnerit Andrea Pirlo, i cili do ta zhvillojë ndeshjen e parë në garën prestigjioze evropiane.
Pas stërvitjeve të të hënës, skuadra është nisur drejt Ukrainës, ku të martën do të ndeshet me klubin nga Kievi.
(Foto: Twitter/JuventusFC)
Në ndërkohë, Alex Sandro vazhdon të mungojë dhe nuk do të jetë në dispozicion të trajnerit për këtë ndeshje.
Juventusi nuk do ta ketë në skuadër superyllin Cristiano Ronaldo, i cili është infektuar me coronavirus.
Skuadra e plotë e Juventusit për ndeshjen ndaj Dynamo Kievit
Portierë: Szczesny, Pinsoglio, Buffon.
Mbrojtës: Chiellini, Danilo, Cuadrado, Bonucci, Demiral, Frabotta.
Mesfushorë: Arthur, Ramsey, Chiesa, Rabiot, Bentancur, Bernardeschi, Portanova, Kulusevski.
Sulmues: Morata, Dybala.
/Telegrafi/
